Հայ հոգևոր և ժողովրդական երաժշտության բաժին

Կոմիտասի թանգարան–ինստիտուտում գործող Հայ հոգևոր և ժողովրդական երգեցողության բաժինը կազմակերպում և իրականացնում է համերգային բազմաբնույթ գործունեություն՝ ուղղված հայկական երաժշտական ժառանգության պահպանմանը, ուսումնասիրմանը և հանրահռչակմանը։

 

Բաժնի կազմում գործող «Գեղարդ» երգեցիկ խումբը հանդես է գալիս մենահամերգներով, համագործակցում է նվագախմբերի, երգչախմբերի, մենակատարների և տարբեր մշակութային կազմակերպությունների հետ՝ իրականացնելով համատեղ համերգային ծրագրեր Հայաստանում և արտերկրում։

 

Բաժնի համերգային գործունեությունն ընդգրկում է հայկական հոգևոր, ժողովրդական և դասական երաժշտության բարձրարժեք նմուշների ներկայացումը՝ շարունակելով Կոմիտասի երաժշտագիտական և կատարողական ավանդույթները։